Rəqəmsal Kriminalistikada Ekspert Sistemlərinin Tətbiqi Problemləri və Onların Həlli Yollarının Araşdırılması

Rəqəmsal texnologiyaların sürətli inkişafı ilə rəqəmsal təhdidlərin mürəkkəbliyi artır və miqyası genişlənir. Bu kontekstdə rəqəmsal məlumatların toplanmasına, təhlilinə və şərhinə yönəlmiş rəqəmsal kriminalistika ayrıca bir sahə kimi formalaşmışdır. Aparılan istintaqların effektivliyini artırmaq üçün perspektivli vasitələrdən biri də toplanmış biliklərə əsaslanaraq qərar qəbuletmə proseslərini avtomatlaşdıran ekspert sistemləridir. Tədqiqat işində rəqəmsal kriminalistikada ekspert sistemlərinin tətbiqi problemləri və onların həlli yolları araşdırılır. Mövzu ilə əlaqəli son illərin elmi ədəbiyyatları təhlil edilərək, ən aktual problemlər müəyyən edilmişdir. İstintaq prosesinin effektivliyinin artırılması üçün ekspert biliklərinə və süni intellekt metodlarına əsaslanan yanaşma təklif edilmişdir.